Regularmein vegn giudicau la qualitad en tut las scolas publicas dil cantun Grischun. Tier Nossa Scola Populara Mustér ha la Valetaziun e promoziun da scola (VPS) giu liug il schaner 2024. L’evaluaziun externa fa part d’in concept cumplessiv per segirar e sviluppar la qualitad dallas scolas. Cun agid da quella vesta externa professiunala savein nus era cumpletar las mesiras da svilup internas. L’evaluaziun vegn realisada mintgamai cun integrar las autoritads dalla scola, la direcziun dalla scola, las persunas d’instrucziun, las scolaras ed ils scolars sco era ils geniturs. Bugen presentein nus cheu il rapport detagliau cun tut ils resultats e giudicaments.
Rapport d’evaluaziun 2024
