Caras scolaras e cars scolars, preziai geniturs, preziadas persunas d’instrucziun
Las differentas colurs dallas fluras, che accumpognan nus ella devoziun d’entschatta e duront quei onn da scola simboliseschan la cuminonza da tut ils acturs en scola. Mintga singula colur, mintga flura – mintga affon, mintga persuna d’instrucziun e tut ils collaboraturs – contribueschan lur part agl entir maletg. Cun ina buna collaboraziun denter scolars, geniturs e persunas d’instrucziun vegnin nus ensemen da rinforzar la cuminonza, la veta e las colurs da nossa scola.
Duront quei onn da scola vegnin nus ad haver biaras pusseivladads da saver crescher ed emprender da cuminonza. Projects communabels, occurrenzas, viadis ed activitads gidan da contonscher finamiras e da promover la communitad.
Jeu giavischel a tuts ina buna entschatta dil niev onn da scola, selegrel sin ina fritgeivla collaboraziun ed engraziel pil sustegn ed engaschi da tuts a favur da nossa scola.
Cordials salids
Marina Cavelti-Mathiuet
menadra da scola
