Structuras dil di

La canorta d’affons «Lumpazi» porscha las structuras dil di per Vos affons ordvart il temps da bloc da nossa scola populara (gentars e suentermiezdis). Quellas purschidas cuostan per las famiglias che fan diever da tala. Sclariment en detail retschevis Vus dallas persunas responsablas dil Lumpazi. Las annunzias vegnir fatgas directamein tier la canorta: www.lumpazi-cadi.ch / telefon : 081 936 40 65.

Temps da bloc
La purschida da survigilonza duront il temps da bloc (gliendisdis-venderdis 7.45-11.30) ei tenor lescha da scola gratuita. La survigilonza vala mo per ils scolars annunziai cul formular ufficial.

Meisa da miezdi per scolars dil scalem superiur
Per ils scolars dil scalem superiur porscha il Center da sanadad Puntreis duront las jamnas da scola (senza firaus) la pusseivladad d’ina meisa da miezdi. Ils scolars ein buca survigilai. L’annunzia ha da succeder cul formular ufficial dalla scola (termin: 16-5-2024 ni sin damonda). En cass d’absenza (malsauns eav.) han ils geniturs dad informar sez il Center da Sanadad Puntreis, autruisa vegnan ils cuosts tschentai a quen. Cuosts per giavischs supplementars ein buca cunteni (sco. p.ex. auas dultschas). Cuosts gentar: frs. 11.00 + cuosts supplementars. Sche ils scolars dils uclauns han muort instrucziun sur miezdi negina pusseivladad da transport a casa surpren la vischnaunca la mesadad dils cuosts (frs. 5.50). 

Powered By WordPress | LMS Academic