A caschun dalla seduta da mardis, ils 3 da schaner 2023 ha il Cussegl da scola Mustér elegiu Marina Cavelti-Mathiuet sco nova meinascola da nossa scola naven digl onn da scola 2023-2024. Marina Cavelti-Mathiuet ei da present meinascola a Panaduz-Razén. Plinavon enconuscha ella fetg bein il scolaresser dalla Sursassiala, damai che Marina ei stada meinascola ils onns 2016- 2018 ella scola a Sedrun.
Marina Cavelti-Mathiuet ei maridada e mumma da dus affons. Ella habitescha cun sia famiglia a Sagogn.
Il cussegl da scola ei fetg cuntents e satisfatgs dalla elecziun e selegra sin ina buna, constructiva e fritgeivla collaboraziun.
Cordial beinvegni Marina e bia plascher e satisfacziun cun ed el cerchel scolastic Mustér!